डार्बिन । अष्ट्रेलियाको नर्दन टेरीटोरीमा रहेको ‘डार्बिन ब्वाइजले’ कोरोना महामारी नियन्त्रणका लागि ७ लाख २० हजार ४२६ रुपैयाँ सहयोग गरेको छ ।
डार्बिनमा रहेका नेपाली युवाहरुको संगठित समूह डार्बिन ब्वाइजले महावीर पुनको राष्ट्रिय आविष्कार केन्द्रलाई बुधबार सहयोग पठाएको हो।
‘मातृभूमि कोरानाले आक्रान्त भइरहेको बेला हाम्रो मन रोक्किएन । प्रदेशमा पसिना चुहाउन बाध्य भए पनि हाम्रा अभिभावकहरु नेपालमा नै छन्। डार्बिन सहरका रहेका सिर्जनशील र परिश्रमी युवाहरुको समूहले रकम संकलन गरेर नेपाल पठाएका हौ,’ डार्बिन ब्वाइजका भाजुराम लामाले भने । रकम संकलन अभियानमा ४५ जना सहयोगदाताले स्वइच्छाले सहयोग गरेका थिए।
कोरोना नियन्त्रणको प्रयासमा राष्ट्रिय आविष्कार केन्द्रको भूमिका महत्वपूर्ण रहेकाले रकम पठाएको डार्बिन ब्वाइजले जनाएको छ।
‘युवा वैज्ञानिक तथा सामाजिक अभियन्ता महावीर पुनको नेतृत्वमा कोरोना नियन्त्रणको लागि थुप्रै प्रयासहरु भएको हामीले देखिरहेका छौं । उहाँको कामको सम्मान गर्दै आफ्नो पारिश्रमिकबाट थोरै रकम निकालेर मातृभूमिको लागि सहयोग गरेका हौँ,’ डार्बिन निवासी कृष्ण रानाभाटले भने।
प्रतिक्रिया लेख्नुहोस्:-