अर्ध आपतकालिन उपाय तीन वटा प्रान्तमा मात्र लागू गरिएपनि संक्रमित संख्याको आधारमा जापान आपतकालिन चरणमा प्रवेश गरेको छ ।
जनवरी १२ तारिख जापानमा साँझ ७ बजेसम्ममा कोभिड-१९ भाइरसबाट संक्रमितको संख्या १३,००० नाघेको छ । विवरणहरु अनुसार बुधवार देशभरमा १३,०५२ जनामा कोभिड संक्रमण पुष्टि भएको छ ।
सरकारी श्रोतहरुलाई उद्दृत गर्दै एनएचके समाचार संस्थाले गत सेप्टेम्बर महिनाको ९ तारिख पछि पहिलो पटक देशमा एकैदिन कोरोना संक्रमितको संख्या १० हजार नाघेको उल्लेख गरेको छ ।
राजधानी सहित देशका मूख्य शहरी क्षेत्रहरु कोभिड महामारिको चरणमा प्रवेश गरेको संक्रमण संख्याले देखाएको छ । जापानमा हालसम्म सबैभन्दा धेरै गत बर्षको अगष्ट २० तारिख २५,९९२ जनामा कोभिड संक्रमण पुष्टि भएको थियो ।
टोकियो २,१९८, ओसाका १,७११, ओकिनावा १,६४४, ह्योगो ५१२, नारा १३५, कुमामोतो १७७, ईबाराकी १२७, सिगा १५८, क्योतो ४१२, चिबा ४६५, तोचिगी १६१, नागासाकी ८४, वाकायामा ९३, नागानो १६७, होक्काईदो १९७, खागोसिमा ११३, आईची ७२३, गिफु १६५, गुन्मा १९३, मिए १११, ओकायामा ८४, एहिमे ११२, निगाता १२९
प्रतिक्रिया लेख्नुहोस्:-