मदिरा उत्पादन गरेको आरोपमा कुवेतमा तीन नेपाली पक्राउ

कुवे : कुवेतमा नेपाली कामदारहरू अवैध मदिराको उत्पादन तथा विक्रीको आरोपमा पक्राउ परेका छन् ।

कुवेतको फहहील क्षेत्रमा त्यहाँको प्रहरीले अवैध रूपमा स्थापना गरेको  मदिरा कारखानामा  छापा मारेको थियो । छापा मार्ने क्रममा मदिरा उत्पादनमा संलग्न तीन जना नेपालीलाई पक्राउ गरिएको र ठूलो परिमाणमा मदिरा बरामद गरिएको बताइएको छ । उनीहरुको साथबाट मदिरा उत्पादन गर्न प्रयोग हुने घरेलु उपकरण र सामानहरुसमेत बरामद  गरिएको  बताइएको छ । छापा मार्ने क्रममा मदिरा तयार गरी बिक्री वितरण गर्नको लागि राखिएको अवस्थामा भेटिएको स्थानीय सञ्चार माध्यमहरूले उल्लेख गरेका छन् ।

यसअघि पनि कुवेतमा अवैधरूपमा मदिरा उत्पादन र विक्रि गरेको  आरोपमा दर्जनौं नेपाली  पक्राउ गरी नेपाल डिपोर्ट गरिएको थियो । कुवेतमा अवैधानिक रूपमा बस्ने नेपालीहरू रोजगारीमा जोडिन नसकेपछि अवैधानिक रूपमा मदिराको उत्पादनमा लाग्ने गरेको बताइएको छ । मदिराको कारोवारमा कडा प्रतिवन्ध रहेको उक्त मुलुकमा नेपालीहरू सोही धन्दामा पटक पटक पक्राउ परेको घटनाले सिँगो नेपाली समुदायका प्रति नै स्थानीय प्रहरी चनाखो रहने गरेकोे बताइएको छ । मध्यान्ह दैनिक ले छापेको छ ।