मलेसियामा कार चोरी गिरोहका सदस्य भएको आरोपमा नेपाली पक्राउ, ६ कार नियन्त्रणमा

काठमाडौं। मलेसियामा कार चोरीको एक गिरोहलाई पुलिसले पक्राउ गरेको छ । पुलिसले कूल ६ जनालाई पक्राउ गरेको छ यीमध्ये एक जना नेपाली छन् । सेरदाङ ओसिपीडीका असिस्टेन्ट कमिश्नर एए अन्बालाङगनका अनुसार जिल्ला र क्वालालम्पुरका सिआइडी अधिकारीहरुले सुरुमा ३ जनालाई पक्राउ गरेका थिए । जुलाइ २५ मा पक्राउ परेका उनीहरुको साथबाट एउटा मर्सिडिज एस ३२० र टोयोटा एस्टिमा कार जफत गरिएको थियो ।

मलेसियाको मिडिया द स्टारका अनुसार यी दुवै कार चोरी भएको पुलिसमा रिपोर्ट गरिएको थियो । पक्राउ परेका ३ जनासँग सोधपुछपछि प्राप्त जानकारीका आधारमा एक जना नेपालीसहित अन्य ३ जनालाई पक्राउ गरिएको हो । उनीहरुको साथबाट पुलिसले केही मोवाइल फोनहरु एउटा की प्रोग्रामर र भक्सवागेन पासात, ओडी क्यु७ र टोयोटा फर्च्युनरसहित ६ वडटा गाडी पनि जफत गरेको छ ।

जफत गरिएकामध्ये २ वटा गाडी सेरी केम्बांगानमा चोरी भएको रिपोर्ट गरिएको थियो । पुलिसका अनुसार यो गिरोहले लामो समयसम्म सामुदायिक पार्किङमा पार्क गरेर राखिएका कारहरुलाई निशाना बनाउँथे । यो गिरोहका सदस्यलाई ती कारहरु विदेशी नागरिकको भएको र ती विदेशीहरु लामो समयको लागि देश छोडेर गएको विश्वास हुन्थ्यो । पुलिसका अनुसार पक्राउ परेकामध्ये २ जना सम्भावित ग्राहक हुन सक्छन् । पक्राउ परेका नेपाली सुरक्षा गार्ड हुन् । उनले आफूले काम गर्ने ठाउँमा लामो समयसम्म पार्क गरेर राखिएका कारहरुको सूचना यो गिरोहलाई दिन्थे । यो समाचार डिसी नेपालमा प्रकाशित छ ।

–

यो पनि पढ्नु होस्