यूएई आउनेले क्यूआर कोडसहितकाे कोरोना खोपको प्रमाणीकरण गर्न दूतावासको आग्रह

काठमाण्डौ – यूएईमा रहेको नेपाली दूतावासले अब यूएई आउन चाहने नेपाली श्रमिकलाई क्यूआर कोडसहित कोरोना खोप प्रमाणीकरण गर्न आग्रह गरेको छ ।

पछिल्लो समय खाडी लगायत धेरै देशहरुले यात्रुको खोप लगाएको प्रमाणमा क्यूआर कोड पनि मागिरहेकाले यूएईले पनि चाँडै यस्तो नियम लगाउन सक्ने भन्दै क्यूआर कोड लिन दूतावासले आग्रह गरेको हो ।

यूएई दूतावासको नक्कली वेबसाइट बनाएर यात्रा अनुमति

नेपालमा रहेका राहदानी नवीकरण गर्नुपर्ने वा नयाँ लिनुपर्नेहरुले कोरोना विरुद्धको खोप लिइ नसकेको अवस्थामा vaccine.mohp.gov.np गएर प्री इनरोलमेन्ट फारम भरि आफूलाई पायक पर्ने ठाउँमा खोप लगाउन र क्यूआर कोड सहितको खोप प्रमाणपत्र लिन दूतावासको आग्रह छ । दूतावासले यूएईमा रहेका नेपालीलाई पनि नेपालमा रहेका आफ्ना आफन्तहरुलाई यसबारे जानकारी गराउन भनेको छ ।

यस्तै यूएईमा रहेर कोरोनाको खाेप लिइसकेका नपाली नागरिकले त्यो खोप लगाएको प्रमाण साथमा बोकेर विदेश यात्रा गर्न सकिने दूतावासले जनाएको छ ।