काठमाण्डौ – यूएईको ‘भ्यालिड रेसिडेन्सी भिसा’ भएका नेपालसहित ६ देशका नागरिकहरू आउँदो २१ गतेदेखि यूएई प्रवेश गर्न पाउने भएका छन् ।
खोप लगाएका भ्यालिड रेसिडेन्सी भिसा भएका नेपाली नागरिकसहित ६ देशका नागरिकलाई प्रवेश अनुमति दिने निर्णय गरेको गल्फ न्युजले खबर लेखेको छ ।
यूएईको ‘जनरल सिभिल एभियसन अथोरिटी र नेशनल इमर्जेन्सी क्राइसीस् एण्ड डिसास्टर म्यानेजमेन्ट अथुरिटीले मंगलबार यस्तो निर्णय गरेको खबरमा उल्लेख छ ।
कोरोना सङ्क्रमण रोकथामका लागि यूएईले नेपालसहित, भारत पाकिस्तान, श्रीलङ्का लगायतका देशबाट आउने यात्रु माथि प्रतिबन्ध लगाएको थियो । अब अगस्ट ५ देखि नेपाल, भारत, श्रीलङ्का, पाकिस्तान, नाइजेरिया र युगान्डाबाट कोरोना विरुद्धको खोप लगाएका ‘भ्यालिड रेसिडेन्सी भिसा’ भएकाहरु यूएई प्रवेश गर्न पाउनेछन् ।
यूएईले मोर्डना, फाइजर बायोएनटेक, स्पुतनिक भी, अक्फोर्ड अस्ट्राजेनेका र सिनोफर्मा(भेरोसेल) खोपलाई मान्यता दिएको छ । नेपालबाट पनि भेरोसेल खोपको दुवै मात्रा लगाएको र भ्यालिड रेसिडेन्सी भिसा छ भने अब यूएई प्रवेश गर्न पाइनेछ । यो समाचार उज्यालो अनलाईन मा प्रकाशित छ ।
प्रतिक्रिया लेख्नुहोस्:-