काठमाडौं : अन्तिम समयमा यूएईले नेपालबाट हुने उडानमा रोक लगाएको सूचना दिएपछि सोमबार राति हिमालय एयरलाइन्स मार्फत यूएई जान त्रिभुवन विभानस्थल पुगेका यात्रु अलपत्र परेका छन् । उडान हुनुभन्दा केही समय अगाडि मात्रै हिमालय एयरलाइन्सले उडान नहुने सूचना टाँसेको थियो ।
सूचनामा दुबईले उडान रोकेको बताइए पनि यात्रुहरुलाई विस्तृत जानकारी दिइएको थिएन । कोरोना भाइरस संक्रमणका कारण लामो समयदेखि नेपालबाट उडान रोकिए पनि गत हप्ता यूएईस्थित नेपाली दूतावासले नै आइतबारदेखि नेपालका लागि उडान खुला भएको सूचना सार्वजनिक गरेको थियो । सोही सूचनालाई आधार बनाई हिमालय एयरलाइन्सले सोमबार राति साढे ११ बजे हुने उडानको टिकट बिक्री गरेको थियो । यो समाचार मध्यान्ह दैनिकमा प्रकाशित छ ।
प्रतिक्रिया लेख्नुहोस्:-