काठमाडौं : वैदेशिक रोजगार विभागका महानिर्देशक कृष्ण प्रसाद दवाडीले सेवाबाट अवकाश लिएका छन् । दवाडी गत वैशाख ५ गते विभागको महानिर्देशकको जिम्मेवारीमा आएका थिए । त्यसअघि उनी शहरी विकास मन्त्रालयको प्रशासन महाशाखा प्रमुख थिए ।
करिब ४ महिनाको सेवापछि दवाडीले उमेरहदका कारण सेवाबाट अवकाश लिएका हुन् । उनलाई शुक्रबार विभागका कर्मचारीहरुले आनन्दमयी अवकाश जीवनको शुभकामनाका साथ उपहार प्रदान गरी बिदाइ गरे ।
वैदेशिक रोजगार क्षेत्रका जानकार दवाडी त्यसअघि उनले वैदेशिक रोजगार कार्यालय ताहाचलमा कार्यलय प्रमुख र साउदी अरबस्थित नेपाली दूतावासमा श्रम काउन्सिलरको जिम्मेवारी सम्हालेका थिए । दवाडीको कार्यकालमा सुधारका केही कामहरु भएको वैदेशिक रोजगार व्यवसायीहरुको भनाइ छ ।
प्रतिक्रिया लेख्नुहोस्:-