क्वालालम्पुर (मलेसिया):= मलेसियामा कोरोना भाइरस (कोभिड-१९) को संक्रमणले एकजना नेपाली ब्यावसायी,।कामदारको मृत्यु भएको छ।
बिगत १७ बर्षदेखि मलेसियाको पोर्ट केलाङ भन्ने ठाउँमा बसि बिन्ताङ् सेम्बिलान एसडिएण बिएचडी नामक कम्पनीसंग आबद्द रहि आफ्नो वैदेशिक रोजगारीसंगै होटल ब्यावसाय समेत गर्दै आईरहनु भएका नेपाल ठेगाना रुपन्देही जिल्ला सैनामैना नगरपालिका वडा नम्बर ४ निवासी बुवा बुद्धिराम ग्यवालीको ४७ बर्षिय छोरो गणेश ग्यवालीको कोरोना संक्रमणबाट मृत्यु भएको हो।
बिगत केहिदिनदेखिनै कोरोना संक्रमित भैइ थप आवश्यक उपचारको लागि केलाङकै सरकारी अस्पतालमा कोभिड-१९ वार्डमा उपचाररत रहनु भएका पासपोर्ट नम्बर ०७४७६३९७ रहेको गणेश ग्यवालीको अस्पतालमा उपचारकै क्रममा हिजो शुक्रवारको दिन मृत्यु भएको हो।
मृतक गणेशको घरमा आमा,बुवा,श्रिमति,छोराछोरी रहेका छ्न। मृत्युको कारण कोरोना संक्रमण रहेकोले शव नेपाल फर्काउन नमिल्ने भएकोले आवश्यक सम्पुर्ण कानुनी प्रक्रिया मिलाएर , पूरा गरेर यतै मलेसियामै हिन्दू धर्म अनुसारनै मृतकको अन्तिम दाहसंस्कार गरिने मृतकको आफन्तले जानकारी दिनुभएको छ।
पछिल्लो केहि महिनादेखि मलेसियामा कोरोना संक्रमणको साथै अन्य विभिन्न कारणले दिनहुँजसो दुई,तीनजनाको सङ्ख्यामा नेपाली श्रमिकहरुको मृत्यु हुने गरेको नेपाली दूतावासको तथ्यांकले देखाउछ।
प्रतिक्रिया लेख्नुहोस्:-