मलेसियालाई कार्यक्षेत्र बनाएर बसेका हरिप्रसाद भट्टराईले एनआरएनएको आसन्न निर्वाचनका लागि एशिया प्यासिफिक क्षेत्रीय उप संयोजकमा उम्मेदवारी घोषणा गरेका छन् । ‘सुरक्षित, मर्यादित र व्यवस्थित वैदेशिक रोजगार, युवापुस्ताको सहभागिता र श्रमिक मैत्री एनआरएन मेरो सरोकार’ भन्ने नारासहित उनले उम्मेदवारी घोषणा गरेका हुन् ।
एनआरएन मलेसियाको नेतृत्व गरिसकेका भट्टराईले कोभिड १९ महामारीको समय श्रमिकहरुको उद्धार कार्यमा घण्टौंसम्म खटिएको स्मरण गरे । उनले वैदेशिक रोजगारीमा रहेका विभिन्न नेपालीहरुलाई यस अवधिमा स्वदेश फर्काएको र मलेसियाका विभिन्न जेलमा रहेका ७० भन्दा बढीलाई स्वदेश फर्काउन सफल भएको बताए । त्यसैगरी एनआरएनएकै पहलमा नेपालमा कोरोनाविरुद्धको खोप खरिदका लागि २८ लाख संकलन गरिएको बताए ।
एनआरएनए एशिया प्यासिफिकका हरेक गतिविधिहरुलाई श्रमिक मैत्री बनाउने, नेपाल र एशिया प्यासिफिकको सम्बन्धलाई व्यापारिक र आर्थिक सम्बन्ध बिस्तार गर्न पहल गर्ने, जेलमा परेका नेपाली तथा कोभिडको मारमा परेर रोजगारी गुमाएका नेपालीलाई निशुल्क स्वेश पठाउन पहल गर्नेलगायत प्रतिबद्धता उनले व्यक्त गरेका छन् ।
प्रतिक्रिया लेख्नुहोस्:-