जापानको भिषा बोकेर नेपालमा रोकिन पुगेका करिव एक चौथाई पुन प्रवेशको अनुमती रहेकाहरु सेप्टेम्बर १७ तारिख साँझबाट राहतको महशुस गरिरहेका छन् । किनभने जापान सरकारले पुन प्रवेश रि ईन्ट्रि भएका व्यक्तिलाई नेपालबाट सेप्टेम्बर २० तारिख बाट प्रवेश पाउने खुकुलो नीति लागू गरेको छ । यो नीति लागू भएसँगै नेपालबाट सयौंको संख्यामा नेपालीहरु जापान प्रवेश गर्न थालेका छन् । यसमा भिषाको म्याज गुज्रन लागेकाहरु सबैभन्दा हतारमा देखिएका छन् ।
नेपालबाट मात्र होईन पुन प्रवेशको टुंगो नहुँदा भिषाकै कारण समस्या पर्नसक्ने भयले अत्यन्त जरुरी कामले नेपाल जानुपर्ने अवस्थामा पनि जापानमा रोकिन पुगेकाहरु घरदेश जाने एक किसिमको लहरनै चलेको छ । त्यसमाथि नेपालीहरुको ठूला दुई चाड बडा दशैं र तीहार नजिकिएकाले त्यो संख्या झनै उच्च बन्न पुगेको छ ।
जति नेपालीहरु नेपाल जाने वा नेपालबाट जापान आउने हतारोमा छन्, मानिसमा प्रवेशको लागि गर्नुपर्ने तयारी र केही तथ्यहरुमा भ्रम रहेको पाइएको छ । जसलाई बुझ्न सजिलो होस् भनि यहाँ उल्लेख गर्ने प्रयास गरिएको छ ।
नेपालमा लगाउने खोप
जापान प्रवेशको लागि खोप अनिवार्य लगाएको हुनुपर्ने नियम छैन । अर्थात् कोरोना भाइरस बिरुद्धको खोप नलगाएपनि जापान प्रवेश गर्न मिल्छ ।
खोप प्रमाणपत्र
कोरोना भाइरस बिरुद्धको खोप लगाउनुभएको छ भने खोप प्रमाणपत्र बनाउनु राम्रो हुन्छ । किनभने भविष्यमा जापानले खोप लगाएको र नेपाल सरकारले प्रमाणित गरेका खोप प्रमाणपत्र बाहकलाई मात्र प्रवेश दिने नियम ल्याउन पनि सक्छ । तर अहिलेसम्म यस्तो नियम नेपाल मात्र होईन कुनैपनि देशबाट प्रवेश गर्नेमाथि लागू गरिएको छैन ।
पुरा मात्रामा खोप लगाउनुभएको छ भने क्युआर कोड आवेदन गरेर नेपाल सरकारले तोकेको अस्पतालहरुबाट खोप प्रमाणपत्र लिनुभएमा पछिलाई पनि सजिलो हुन्छ । पछि भन्नाले तपाई जापान आउनुभएर नेपाल फर्कनुपर्दा खोप प्रमाणपत्र भएमा नेपालमा गएर होटल क्वारिन्टिन बस्नु पर्दैन । जसरी अहिले जापान वा अन्य देशमा कोरोनाको खोप लगाएर प्रमाणपत्र बोकेकाहरुले नेपालमा होटल क्वारिन्टिन छुट पाउँछन् त्यसैगरि तपाईंले पनि पाउनुहुनेछ । तर जापान आउनकै लागि भनेर खोप प्रमाणपत्र लिनुपर्ने बाध्यता छैन ।
पीसीआर परीक्षण
जापान प्रवेश गर्ने जुनसुकै देशका नागरिकले प्रवेश गर्नुपूर्व ७२ घण्टा भित्रको पीसीआर परीक्षण गरेर नकारात्मक नतिजाको प्रमाणपत्र साथमा बोक्नुपर्छ । यसको लागि हरेक देशबाट प्रवेश गर्नेको लागि नोजल नाकबाट मात्रै पीसीआर परीक्षण गरेको हुनुपर्ने नियम रहेको छ ।
यस बाहेक अन्य प्रकारको पीसीआर परीक्षण वा नोजल र अन्य समेत गरेको पीसीआर रिपोर्ट छ भने जापानले त्यसलाई मान्यता दिंदैन । त्यसैले नेपालमा पीसीआर परीक्षण गर्दा नाकबाट मात्र पीसीआर गर्ने र त्यो मात्र उल्लेख भएको रिपोर्ट भन्न र लेखेको रुजु गर्न नभुल्नुहोला ।
नेपालमा पीसीआर परीक्षण गर्ने आधिकारिक अस्पतालहरुको मान्यता सूचिमा राजधानी काठमाडौंका टिचिगिं अस्पताल, मनमोहन अस्पताल, स्टार अस्पताल, ह्याम्स अस्पताल लगायत रहेका छन् ।
पीसीआर रिपोर्टको साथमा अस्पतालहरुले जापानले तोकेको मापदण्ड अनुसारको पीसीआर परीक्षण रिपोर्ट उपलब्ध गराउँछन् । जुन प्रमाणपत्र साथमा अनिवार्य रुपमा जापानसम्म बोकेर ल्याउनुपर्छ । पीसीआर परीक्षण रिपोर्ट जापानको बिमानस्थलमा बुझाउन असमर्थ हुने व्यक्तिलाई जापानले प्रवेश नदिएर फर्काउन पनि सक्छ ।
सिसिएमसी नेपाल सरकार कोभिड १९ संकट व्यवस्थापन केन्द्र फाराम
बिदेशबाट नेपाल आउने नेपालीहरु सहित नेपालबाट बिदेश जाने सबै व्यक्तिले अनिवार्य रुपमा सिसिएमसीको फाराम भर्नुपर्छ । यसको लागि बिदेशबाट आउनेको लागि र बिदेश जानको लागि फरक फरक प्रकारको फाराम रहेको छ । बिदेशबाट नेपाल आउने नेपालीहरु सहित नेपालबाट बिदेश जाने सबै व्यक्तिले अनिवार्य रुपमा सिसिएमसीको फाराम भर्नुपर्छ । यसको लागि बिदेशबाट आउनेको लागि र बिदेश जानको लागि फरक फरक प्रकारको फाराम रहेको छ ।
नेपालबाट बिदेश जाने व्यक्तिहरुले यहाँ क्लिक गरेर यो फाराम अनिवार्य रुपमा भर्नुपर्छ । फाराम भरेपछि त्यसलाई प्रिन्ट गरेर राखे सबैभन्दा उत्तम हुन्छ । त्यसको लागि प्रविधि उपलब्धता छैन र तपाईंलाई भविष्यको लागि डाटा आवश्यक पर्दैन भने बारकोट र आईटी नम्वर स्क्रिन सर्ट गरेर राख्नुपर्दछ । जुन बारकोड र आईटी नम्वर फाराम भरेर ‘सबै विवरणहरु सहि छन् झुठो ठहरेमा कारबाही भोग्न तयार छु’ भनि आवेदन सुरक्षित गरेपछि मोबाईल वा कम्प्युटरमा देख्न सक्नुहुन्छ ।
यस बाहेक अन्य जानकारीहरु आवश्यक भएमा कमेण्ट गर्नुहोला । सबैको जानकारीको लागि सेयर गर्नसक्नुहुनेछ ।
प्रतिक्रिया लेख्नुहोस्:-