जबर्जस्ती यौन सम्बन्ध राख्न वाध्य पारेको आरोपमा टोकियोबाट ३ जना भारतीय पक्राउ

हातपात र यौन हिंसा गरेको आरोपमा टोकियो महानगरिय प्रहरिले ३ जना भारतीय नागरिकलाई पक्राउ गरेको छ । एक अनलाइन डेटिङ् एप्लीकेसनबाट चिनजान विदेशी युवतीमाथि हातपात तथा जबर्जस्ती यौन सम्बन्ध राख्न दबाब दिएको आरोप पक्राउ पर्नेहरुमाथि प्रहरिले लगाएको छ ।

सुरुमा आरोपित मध्य एकले बिदेशी डेटिङ् एप्लिकेसनबाट चिनजान भई बोलाएर यौन प्रस्ताव गरेका थिए । युवतिले अस्विकार गरेपछि ति भारतीयसँग सम्पर्क तोडेकी थिइन । तर अर्का एकले पुन उही विदेशी महिलालाई डेटिङ् एप मार्फत खोजेर परिचय गरेका थिए । तर तिनै जना भारतीयले एकसाथ भेटघाट गरेर खानपिन पछि सामुहिक यौन सम्बन्धको लागि बाधी वाध्य पारेको बताइएको छ ।

घटना टोकियोको ओता वार्डमा गत अगस्ट ९ मा भएको प्रहरिलाई उद्दृत गर्दै याहू न्यूजले उल्लेख गरेको छ । अभियुक्त पक्राउ मिती तथा पीडित भनिएकी महिला बिदेशी भएको बताइएपनि राष्ट्रियता तथा परिचय खुलाईएको छैन ।