जापानको टोकियो नजिकै निशी कासाइमा बस्दै आएका बाबुराम थापा थरका एक नेपाली पुरुषले आफ्नो ज्यान आँफैले लिएका छन । बागलुङ गलकोट, हरिचौर घर भै जापानमा दक्ष कामदार (कुक) भिसामा कार्यरत अन्दाजी ४४ वर्षीय पुरुषको निधन भएको हो ।
१२ वर्षदेखि जापानमा कार्यरत उनी मानसिक चिन्तामा रहेको बताईएको छ । जापानमा श्रीमतिसंगै बस्दै आएका उनको नेपालमा पनि अर्को श्रीमती एक छोरा र एक छोरी सहित परिवारका अन्य सदस्य रहेका छन।
शनिवार राती भएको उनको मृत्युको बिस्तृत विवरण आउन बाँकी रहेको छ । हाल पोष्टमार्टमको लागि प्रहरिले शब राखेको छ । जापान प्रहरीले घटनाकोबारेमा आवश्यक अनुसन्धान गरिरहेको बताईएको छ ।
प्रतिक्रिया लेख्नुहोस्:-