मृगौला खराब भएको कारण हृदयघात भएर मलेसियाको अस्पतालमै पवन खनालको मृत्यु भएको छ। मलेसियामा सुरक्षागार्डको क्षेत्रमा कार्यरत पवन अस्पतालमा उपचारको क्रममा मृत्यु भएको हो।
बिगत चार बर्षदेखि मेट्रो सेक्युरिटी सर्भिस नामक सेक्युरिटी कम्पनीसंग वैधानिक रुपमै आवद्ध रहि मलेसियाको साहआलम सेक्सन २६ मा अवस्थित तिओङ्ग नाम ( tiong Nam ) कम्पनीमा सुरक्षा दिदै आएका नेपाल ठेगाना झापा जिल्ला निवासी नेपाली श्रमिक पवन खनालको मृत्यु भएको हो।
मलेसिया स्थित नेपाली दूतावासले दिइएको जानकारी अनुसार पवनको मृत्यु हुनुभन्दा १५ दिन अगाडि ड्युटी सकिएर रुम फर्किने क्रममा अच्चानक हृदयघात (heart attack) भएर ढल्नु भएको थियो , कुनै ढिलाइ नगरि लगत्तै उनलाई थप उपचारको लागी अस्पताल लगेर आईसियु (ईमर्जेन्सी) कक्षमा भर्ना गराएका थियौं तर १५ दिनसम्मपनि होशमा नआएको र स्वास्थ्यमा कुनै सुधार नदेखिएको अवस्था झनझन बिग्रिदै गएकोले उपचाररत रहेकै बेला हिजो उनको मृत्यु भएको कम्पनी स्रोतलाई उद्दत गर्दै दूतावासका जनसम्पर्क अधिकृत टेक बहादुर बुढाले जानकारी दिनुभयो।
अस्पतालका डाक्टरले बताएअनुसार पवनको दुईवटै मृगौला खराब भैईसकेको पाइएको थियो, सोही कारणले मृत्यु भएको बताउनुभयो। मृतकको पोस्टमार्टम सकिए पश्चात् सम्पुर्ण कागजी प्रक्रिया पूरा गरेर अन्तिम दाहसंस्कारको लागी मृत शवलाई नेपाल फर्काइने तयारी गरिरहेको मृतकको पारिवारिक आफन्त सन्तोष रिजालले बताउनुभयो। मृतक पवनको घरपरिवारमा श्रिमतिसंगै एक १० बर्षिय छोरा लगायत रहेका छ्न।
प्रतिक्रिया लेख्नुहोस्:-