क्वालालम्पुर (मलेसिया):= लामो समयदेखि बन्द रहेको मलेसिया रोजगारीमा नयाँ नेपाली कामदारका लागि अझैपनि रोजगारी नखुलेको राजधानी क्वालालम्पुरस्थित नेपाली दूतावासले जनाएका छ्न। दूतावासले शुक्रबार एक विज्ञप्ती सार्वजनिक गर्दै मलेसियामा रोजगारी नखुलेको र राजदूतावासबाट कुनै पनि मागपत्र प्रमाणीकरण नभइरहेको स्पष्ट पारेको छ।
केहि दिनदेखि मलेसिया सरकारले प्लान्टेशन सेक्टरमा नयाँ विदेशी कामदार भर्ना लिने बताउँदै आएको भए ता पनि मलेसियालि सरकारको तर्फबाट नयाँ नेपाली कामदारको लागी मागपत्र प्रमाणीकरण गर्न मिल्ने बारे कुनै आधिकारिक जानकारी नआएको दूतावासले स्पष्ट पार्नुभएको हो।
दूतावासको द्धितिय सचिव तथा सुचना प्रमुख प्रतिक कार्कीद्वारा हस्ताक्षरित सार्वजनिक विज्ञप्तीमा भनिएको छ, ‘भिषाको म्याद कायम भएका व्यक्तिहरूलाई रोजगारदाताले मलेसियाको अध्यागमन विभागबाट स्वीकृति लिएर सातदिनको क्वारेन्टाइन बस्नेगरी मलेसिया आउन सक्ने व्यवस्था भए पनि नयाँ कामदार आउन सक्ने सम्बन्धमा मलेसिया सरकारबाट राजदूतावासलाई कुनै जानकारी आएको छैन।’
साथै दूतावासले , मागपत्र प्रमाणीकरणको कार्य सुचारु हुनासाथ सूचित गरिने र मागपत्र प्रमाणिकरण भएको जानकारी (एफईआईएमएस) मार्फत कामदार छनौट गर्न वारेसानामा प्राप्त वैदेशिक रोजगारी व्यवसायी संस्थालाई पुग्ने भएकोले यस बाहेक अन्य कुरामा भ्रममा नपर्नुहुन सम्बन्धित सबैमा जानकारी गराइन्छ, विज्ञप्तिमा भनिएको छ।
तल हेर्नुहोस दूतावासले जारी गरेको प्रेस बिज्ञप्ति :
प्रतिक्रिया लेख्नुहोस्:-