नेपाली श्रमिकको श्रम गन्तब्य रहेको साउदी अरबले रोजगार भिसा यहाँ पुगेर ब्यक्तिगत फाइदाका लागि काम गरे १ लाख साउदी रियालसम्म जरिवाना गर्ने भएको छ ।
साउदी अरबको पासपोर्ट निर्देशनालय (जवाजात) ले रोजगार भिषामा आएर ब्यक्तिगत फाइदाका लागि स्वतन्त्र बिजनेश ब्यवशाय नगर्न, गर्न नदिन पुनः चेतावनी दिंदै यस अघि घोषित जरिमानालाइ बढाएको छ ।
यसअघि ५० हजार रियाल जरिमाना थियो, अहिले १ लाख रियाल भएको छ र त्यस्तो रोजगारदाता कम्पनीलाई ५ बर्ष सम्म कुनै नयाँ कामदार ल्याउन नपाउने गरी प्रतिबन्ध लगाइने साउदी प्रेस एजेन्सीलाई उदृत गर्दै गल्फ न्युजले जनाएको छ ।
जवाजतका अनुसार दोषी ठहरिएका व्यक्तिहरूलाई अधिकतम पाँच वर्षको लागि भर्ती प्रतिबन्ध गर्ने र दोषी रोजगारदाता कम्पनी विदेशी भएको अवस्थामा देश निकाला गरिने जनाएको छ ।
स्वतन्त्र बिजनेश ब्यवशाय गर्ने व्यक्तिहरुलाई साउदीको श्रम कानून उल्लङ्घन गर्नेहरूको संख्यासँग गणना गरिने जनाएको छ ।जावाजतले त्यस्ता व्यक्तिहरु देखेमा त्यहाँको मक्का र रियादको टोल फ्री नम्बर ९११ र राज्यका अन्य भागहरूमा ९९९ मा फोन गरेर रिपोर्ट गर्न समेत जनतालाई आह्वान गरेको छ।
३ लाख ५० हजारको हाराहारीमा नेपाली कामदार कार्यरत रहेको साउदी अरबमा केही नेपालीले मात्र बिजनेस गरिरहेका छन् भने अधिकांश नेपाली निर्माण मजदुरका रुपमा रहेका छन् ।
प्रतिक्रिया लेख्नुहोस्:-