काठमाण्डौ – नेपाली श्रमिकको मुख्य श्रम गन्तव्य देश खाडी र मलेसियामा पछिल्लो समय कोरोना सङ्क्रमण दर घट्दै गएको छ ।
खाडीका देशको तुलनामा मलेसियामा पनि अहिले दैनिक सङ्क्रमण दर बढी छ । मलेसियामा आज बिहीबारसम्म २५ लाख २२ हजार ४९८ जनामा कोरोना सङ्क्रमण पुष्टि भएको छ । जसमध्ये २४ लाख ३० हजार १२२ जना निको भएका छन् भने २९ हजार ४८६ जनाको ज्यान गएको छ । मलेसियामा अहिले ६२ हजार ८९० जना सक्रिय सङ्क्रमित रहेका छन् ।
खाडीको श्रम गन्तव्य देश यूएईमा पछिल्लो समय नयाँ कोरोना सङ्क्रमित घट्दै गएका छन् । यूएईमा अहिलेसम्म ७ लाख ४० हजार ६४७ जनामा कोरोना सङ्क्रमण पुष्टि भएको छ । जसमध्ये ७ लाख ३५ हजार १७३ जना निको भएका छन् भने २१ सय ४२ जनाले ज्यान गुमाएका छन् । यूएईमा अहिले ३३ सय ३२ जना सक्रिय सङ्क्रमित रहेका छन् ।
साउदी अरेबियामा पनि पछिल्लो समय नयाँ सङ्क्रमित थपिने दर घटेको छ भने सक्रिय सङ्क्रमितको सङ्ख्या पनि कम रहेको छ । साउदीमा अहिले जम्मा २२ सय ४ जना मात्र सक्रिय सङ्क्रमित रहेका छन् । साउदीमा अहिलेसम्म ५ लाख ४९ हजार ६० जनामा कोरोना सङ्क्रमण भएको छ । सङ्क्रमित मध्ये ५ लाख ३८ हजार ४९ जनाले कोरोना जितिसकेका छन् । साउदीमा ८ हजार ८०७ जनाले कोरोनाबाट ज्यान गुमाएका छन् ।
कुवेतले पनि कोरोना सङ्क्रमण दर घट्दै गएपछि सङ्क्रमण रोकथामका लागि लगाएको प्रतिबन्ध हटाउँदै लगेको छ भने सबै प्रकारका भिसा जारी गर्ने तयारी पनि गरिरहेको जनाएको छ । कुवेतमा अहिलेसम्म ४ लाख १२ हजार ९१६ जनामा कोरोना सङ्क्रमण पुष्टि भएको छ । तर उनीहरू मध्ये ४ लाख १० हजार १५७ जनाले कोरोना जितेका छन् भने २४ सय ६२ जनाको कोरोना सङ्क्रमणबाट ज्यान गएको छ । कुवेतमा अहिले जम्मा २ सय ९७ जना मात्रै सक्रिय सङ्क्रमित रहेका छन् ।
यस्तै , अर्को श्रम गन्तव्य बहराइनमा अहिलेसम्म २ लाख ७७ हजार १३८ जनामा कोरोना पुष्टि भएको छ । सङ्क्रमित मध्ये २ लाख ७५ हजार ४४० जना निको भएका छन् भने १३ सय ९३ जनाले ज्यान गुमाएका छन् । अहिले ३०६ जना सक्रिय सङ्क्रमित रहेका छन् ।
नेपाली अर्को रोजाइको गन्तव्य कतारले पछिल्लो समय आफ्नो प्रावधानहरू खुकुलो बनाउँदै लगेको छ । अहिले कतारमा १५ सय ५४ सक्रिय सङ्क्रमित छन् । कतारमा अहिलेसम्म २ लाख ४० हजार ५५७ जनामा कोरोना सङ्क्रमण पुष्टि भएको छ ।
सङ्क्रमित मध्ये २ लाख ३८ हजार ३९२ जनाले कोरोना जितेका छन् भने ६ सय ११ जनाले ज्यान गुमाएका छन् । मलेसिया र खाडीका अन्य देशको तुलनामा कतारमा कोरोनाबाट ज्यान गुमाउनेको सङ्ख्या निकै कम हो ।
प्रतिक्रिया लेख्नुहोस्:-