यूएई : यूएईले आफ्नो श्रम कानूनमा सुधारको निर्णय गरेको छ । खालिज टाइम्सका अनुसार श्रम कानून सुधार अन्तर्गत कुनै श्रमिकले मुद्दा लड्नुपर्ने भएमा त्यसमा शुल्क लाग्ने छैन । संशोधित नयाँ कानून अनुसार निःशुल्क मुद्दा लड्न पाउने व्यवस्थादेखि यौन दुर्व्यवहारबाट संरक्षणसम्मका व्यवस्थाहरु समेटिएको छ ।
त्यस्तै नयाँ कानून अनुसार जबर्जस्ती काममा लगाउँदा नगरेमा त्यसबापत कुनै जरिवाना पनि रोजगारदाताले गर्न पाउने छैनन् । कुनै पनि सहकर्मी वा श्रमिकलाई यौन दुर्व्यवहार, जिस्क्याउने, शारिरीक तथा मानसिक हिंसा गर्न पनि नयाँ कानूनले बन्देज लगाएको छ । कुनै पनि जात, वर्ण, रंग, लिङ्ग, धर्म, राष्ट्रियता आदिका आधारमा भेदभाव गर्न नपाइने व्यवस्था पनि कानूनमा गरिएको छ ।
प्रतिक्रिया लेख्नुहोस्:-