काठमाडौं : कात्तिक महिनामा ६६ म्यानपावर कम्पनीले एक सय भन्दा बढी कामदारको अन्तिम श्रम स्वीकृति निकालेका छन् । त्यसमध्ये प्याराडाइज इन्टरनेशनल प्रालिले ८ सय ४६ पुरूष र ८३ महिला गरी ९ सय २९ जनाको अन्तिम श्रम स्वीकृति निकालेर कात्तिक महिनामा धेरै कामदार पठाउने सूचीको एक नम्बरमा रहेको छ ।
सूचीको दोश्रो नम्बरमा रहेको एसओएस म्यानपावर सर्भिस प्रालिबाट ६ सय ८४ जनाले अन्तिम श्रम स्वीकृति प्राप्त गरेका छन् । त्यसमा ६९ जना महिला छन् । तेस्रो स्थानमा रहेको मोभिरा रिक्रुटमेन्ट कन्सल्टेन्सी सर्भिस प्रालिले ३ महिलासहित ६ सय ३३ जना, चौथो नम्बरमा रहेको फजल इन्टरनेशनल प्रालिले ५ सय ४२ जना, पाँचौं स्थानमा रहेको अल साहिद ओभरसीजले एक महिलासहित ४ सय ३० जना, छैठौंमा रहेको लिंक इन्टरनेशनल प्लेसमेन्ट सर्भिसले ७ महिला सहित ३ सय ९५ जनाको श्रम स्वीकृति निकालेका छन् ।
त्यस्तै सातौं नम्बरमा रहेको अक्सफोर्ड इन्टरनेशनल प्रालिले ३ सय ८७ जना, आठौं नम्बरमा रहेको नौकरी नेपाल रिक्रुट्मेन्ट सर्भिसले १ सय ७ महिलासहित २ सय ९३ जना, नवौं स्थानमा रहेको अल सेक्युर म्यानपावर रिक्रुट्मेन्टले ६० महिलासहित २ सय ९० जना र दशौं स्थानमा रहेको ट्यालेन्ट ओभर्सिस सर्भिसेस प्रालिले एक महिलासहित २ सय ८६ जनाको अन्तिम श्रम स्वीकृति लिएका छन् । असोज महिनामा विभागले ७३ हजार एक सय ८५ जनाको पुर्व स्वीकृति दिएको छ ।
प्रतिक्रिया लेख्नुहोस्:-