काठमाडौं– वैदेशिक रोजगार व्यवसायीहरूबाट रकम असुली गर्दै हिड्ने २ जनालाई प्रहरीले प्रक्राउ गरेको छ । महानगरीय अपराध महाशाखाको टोलीले मंगलबार सुकेधाराका ४० वर्षीय मिलन जोशी र दोलखा भीमेश्वरका रबिन बस्नेत रहेका छन् ।
उनीहरूले विदेश पठाएका व्यक्तिबाट प्रतिव्यक्ति २५ हजारका दरले कमिसन दिनुपर्छ भन्दै व्यवसायीलाई पटक–पटक धम्क्याउँदै पैसा लिने गरेको प्रहरीले जनाएको छ । महाशाखाका अनुसार पक्राउ परेका जोशी र बस्नेतले काठमाडौंको पानीपोखरीस्थित युनिभर्सल इन्टरनेसनल मेनपावर कम्पनीका सञ्चालकलाई उक्त क्षेत्रको दादा भन्दै कमिसन नदिए मार्ने धम्की दिँदै ९० लाख २५ हजार कमिसन लिएका थिए । उनीहरूले लकडाउनको कारण मेनपावर चल्न नसकेको अवस्थामा कमिसन तथा दसैँ खर्चसमेतको एकमुष्ट सञ्चालकबाट लिने गरेको बताइएको छ ।
पक्राउ परेका उनीहरूलाई आपराधिक लाभ लिएको कसुर मुद्दामा आवश्यक कारबाहीका लागि महानगरीय प्रहरी परिसर टेकु पठाइएको महाशाखाले जनाएको छ । असुलीमा संलग्नहरूले अन्य म्यानपावर व्यसायीहरूसँग समेत रकम असुल गरेको भन्ने सूचनाको सम्बन्धमा थप अनुसन्धान भइरहेको प्रहरीले जनाएको छ ।
प्रतिक्रिया लेख्नुहोस्:-