मध्यपूर्वमा स्थायित्व कायम गर्न कतार र साउदी अरब सहमत

काठमाडौँ कतारी अमिर तमिम बिन हमाद अल थानीले मध्यपूर्व क्षेत्रमा सुरक्षा र स्थिरता कायम गर्न साउदी युवराज मोहम्मद बिन सलमान अल साउदसँग सहमत भएको बताएका छन् ।

२०१७ मा शुरु भएको दुई देशहरू बीचको कूटनीतिक विवादलाई पूर्ण रूपमा अन्त्य गर्ने प्रयासमा बुधवार साउदी युवराज कतार आइपुगेका छन् । पर्शियन खाडी क्षेत्रमा सुरक्षा र स्थिरता बढाउने दुई देशबीच साझा विषय भएको कतारी अमिरले ट्वीटमार्फत बताएका छन् ।

२०१७ मा युएइमा, साउदी अरेबिया, बहराइन र इजिप्टले कतारलाई हस्तक्षेप र आतंकवादलाई प्रायोजित गरेको आरोप लगाउँदै कूटनीतिक सम्बन्ध तोडेका थिए । पछि कतिपय देशले पनि त्यस्तै गरे भने अरूले दोहासँगको कूटनीतिक सम्बन्धलाई घटाएर देशमा पूर्ण नाकाबन्दी लगाएका थिए ।

दोहाले भने ती आरोपहरूलाई अस्वीकार गर्दै आएको छ । आफ्नो आर्थिक सफलतासँग छिमेकीहरूको असन्तुष्टि उनीहरूको शत्रुतापूर्ण नीतिहरूको पछाडि थियो भन्ने कतारको बुझाइ छ ।

जनवरीमा साउदीले आयोजना गरेको गल्फ कोअपरेशन काउन्सिलको ४१ औं शिखर सम्मेलनले खाडी देशहरूबीच एकता पुनर्स्थापना गर्ने घोषणा गरेपछि यो गतिरोध हटेको हो ।