ह्वात्तै घट्यो सुनको मूल्य, तोलाको कति पुग्यो ?

काठमाडौं – बुधबार नेपाली बजारमा सुनको मूल्य घटेको छ । मंगलबार तोलामा ३ सय रुपैयाले बढेको सुनको मूल्य आज तोलामा ५ सय रुपैयाले घटेको हो ।

मंगलबार तोलाको ९२ हजार ८ सय रुपैयाँमा कारोबार भएको छापावाल सुनको मूल्य आज घटेर तोलाको ९२ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै आज तेजाबी सुनको मूल्य प्रतितोला ९१ हजार ८ सय रुपैयाँमा कारोबार भइरहेको छ । त्यस्तै आज चाँदीको मूल्य बढेर प्रतितोला १२ सय १० रुपैयाँमा कारोबार भइरहेको छ ।