ह्वात्तै बढ्यो सुनको मूल्य, तोलाको कति पुग्यो ?

काठमाडौं – शुक्रबार नेपाली बजारमा सुनको मूल्य तोलामा ६ सय रुपैयाले बढेको छ । बिहिबार तोलाको ९२ हजार १ सय रुपैयाँमा कारोबार भएको छापावाल सुनको मूल्य आज बढेर तोलाको ९२ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै आज तेजाबी सुनको मूल्य पनि घटेर प्रतितोला ९२ हजार २ सय रुपैयाँमा कारोबार भइरहेको छ ।

त्यस्तै आज चाँदीको मूल्य पनि तोलामा २५ रुपैयाले बढेको छ । आज चाँदीको मूल्य प्रतितोला १२ सय ६० रुपैयाँमा कारोबार भइरहेको छ ।