काठमाडौं – आइएमई लाइफ इन्स्योरेन्स कम्पनी लिमिटेडले कर्मचारी माग गरेको छ । कम्पनीले एक सूचना जारी गर्दै विभिन्न ब्रान्चमा कर्मचारी माग गरेको हो । कम्पनीले सातै प्रदेशका विभिन्न ब्रान्चहरुका लागि शाखा प्रमुख (ब्रान्च म्यानेजर) माग गरेको छ ।
कम्पनीले प्रदेश नं. १ अन्तर्गत काँकडभित्ता, फिदिम, तेह्रथुम, बसन्तपुर तेह्रथुम, खोटाङ प्रदेश नं. २ अन्तर्गत कलैया, बागबजार, राजधानी, र कंचनपुर शाखाका लागि शाखा प्रमुख माग गरेको छ । यस्तै बागमती प्रदेशका लागि न्यूरोड, गोङ्गबु, स्वयम्भू, इमाडोल, चापागाउँ, पेप्सिकोला, कीर्तिपूर, सुन्दरीजल, चौतारा र बनेपा गण्डकी प्रदेशको पोखरा, गैँडाकोट, पालुङटार, हेम्जा, बिरौटा र बुर्तिबाङका लागि माग गरेको हो ।
लुम्बिनी प्रदेशमा बुटवल, चन्द्रौटा, भैरहवा र तौलिहवा साथै कर्णाली प्रदेशमा खजुरा, जाजरकोट र सुदूरपश्चिम प्रदेशमा बझाङ, बैतडी र महेन्द्रनगर शाखा गरी कुल ३४ शाखाका लागि शाखा प्रमुख माग गरेको हो ।
कम्पनीले उक्त पदका लागि न्युनतम स्नातक तह उत्तीर्ण भएको हुनुपर्ने जनाएको छ । इच्छुक योग्यता पुगेका ब्यक्तिले माघ १३ गतेसम्म कम्पनीमा आवदेन दिनु पर्ने छ ।
प्रतिक्रिया लेख्नुहोस्:-