वैदेशिक रोजगारीका क्रममा गत वर्ष साउदी पुगेका २ सय २४ जना नेपाली कामदारको मृत्यु भएको छ।
रियादस्थित नेपाली दूतावासले सन् २०२१ मा दूतावासले गरेका मुख्य कामहरूको तथ्यांकगत विवरण सार्वजनिक गर्ने क्रममा दुर्घटना लगायत विविध कारणले एक वर्षमा २ सय २४ नेपाली कामदारको मृत्यु भएको जनाएको छ। मृत्यु भएकामध्ये १८९ जनाको शव स्वदेश फर्काइएको छ भने ३५ जनाको साउदीमै अन्तिम संस्कार गरिएको दूतावासले जनाएको छ ।
दूतावासका अनुसार मृतकका परिवारलाई मृत्यु पूर्व साउदीमा पाउनुपर्ने ३३ लाख ८२ हजार ६ सय ६८ साउदी रियाल परिवारलाई पठाइएको पनि जनाएको छ।
यसैगरी, अढाई वर्षदेखि दूतावासको शेल्टरमा रहेका ह्विल-चेयर बिरामी वेदबहादुर भुजेलको अस्पताललाई भुक्तानी गर्न बाँकी ८ लाख २३ हजार साउदी रियाल ( करिब अढाई करोड रुपैयाँ ) अस्पतालबाट माफी गराई स्वदेश पठाइएको जनाएको छ।
सडक दुर्घटनामा मृत्यु भएका २ सय ४ नेपाली कामदारको ब्लडमनी सम्बन्धी मुद्दा अदालतमा दायरका लागि सम्बन्धित प्रहरी कार्यालयमा फलोअप गरिएको अदालतमा दायर तथा सुनवाइ भएका मध्ये ३७ को फैसला भएको २४ वटा फैसलाबाट आएको १३ लाख ८६ हजार ५०० साउदी रियाल ब्लडमनी प्राप्त गरी मृतकका परिवारको नाममा पठाइएको दूतावासले जनाएको छ ।
३४ नेपाली महिलाको उद्धार
दूतावासले एक वर्षको अवधिमा ३४ नेपाली महिलाको उद्धार गरी स्वदेश पठाएको छ । २०२१ मा साउदीमा समस्यामा परेका नेपाली महिलाको विभिन्न स्थानबाट उद्धार गरी दूतावासको सेल्टरमा केही समय राखेर आवश्यक प्रक्रिया पूरा गरी स्वदेश पठाइएको दूतावासले जनाएको छ ।
उनीहरूलाई को विभिन्न समयमा उद्धार गरी दूतावासको सेल्टरमा राखेर स्वदेश पठाइएको हो । दूतावास र घरफिर्तिकेन्द्रको समन्वयमा विभिन्न घरफिर्ति केन्द्रमा रहेका १ हजार ९ सय ८६ नेपालीलाई स्वदेश फर्काइएको समेत जनाएको छ ।
प्रतिक्रिया लेख्नुहोस्:-