टोकियो, जापान । जापानका चर्चित बक्सर दाइकी माचुसितालाई के वन किक बक्सिङमा नक आउट गराउँदै नेपाली युवा किक बक्सर अबिरल घिमिरे ’हिमालयन चितुवा’ बिजयी भएका छन ।
फेब्रुवरी २७ तारिख आईतवार जापानको राजधानी टोकियोमा भएको ‘के वन सुपर वेल्टरबेट सुपर फाइट’ प्रतियोगितामामा नेपाली झण्डा फहराउँदै जित निकाल्ने क्रममा जापानका चर्चित बक्सर दाइकी अबिरलसँग दुई मिनेटपनि टिक्न सकेनन ।
जापानमा भएका एक दर्जन ब्यावसायिक किक बक्सिङमा प्रतिस्पर्धा गरिसकेका अबिरलले अधिकांश खेलमा जित निकालेका छन ।
आईतवार भएको खेलमा हौसला प्रदान गर्न एनआरएनए जापानका अध्यक्ष शिव प्रशाद पौडेल, उपाध्यक्ष राजकुमार अधिकारी, महासचिव सिद्वार्थ श्रेष्ठ, आईसिसी सदस्य दिपक कार्की लगायत दुइदर्जन नेपालीहरुको उपस्थित रहेको मा अबिरलका पिता तथा नेपालका पहिलो के वन किक बक्सिङ खेलाडी देव घिमिरेले धन्यवाद ब्यक्त गर्नुभयो ।
प्रतिक्रिया लेख्नुहोस्:-