काठमाडौं । आजकल अनलाइन गेमिङमा रूचि राख्नेहरूको संख्या बढ्दो छ । बच्चादेखि वयस्कहरूले अनलाइन गेमिङको आनन्द लिइरहेका छन् । तर यसबीचमा बेलाबेलामा स्तब्ध पार्ने घटना पनि सुन्ने गरेका छाैं ।
हालसालै भएको घटना भारतस्थित छत्तिसगढको कान्केरको हो । त्यहाँकी एक महिलाले अनलाइन गेमिङका कारण तीन महिनामै तीन लाख २२ हजार भारतीय रुपैयाँ (करिब पाँच लाख १५ हजार रूपैयाँ) गुमाएकी छन् ।
ती महिलाले खाता जाँच गर्दा ३.२२ लाख गायब भएपछि अनलाइन जालसाँजीको शंकाले प्रहरी कार्यालयमा किटानी जाहेरी दर्ता गरिन् । त्यसपछिको छानबिनमा पुलिसले पत्ता लगायो कि, हराएको पैसा उनकै १२ वर्षीय छोराले अनलाइन गेम फ्रि फायरको लेभल अपग्रेड गर्न र हतियारहरू किन्न खर्च गरेका रहेछन् ।
रिपोर्टअनुसार विद्यालयकी शिक्षिका शुभ्रा पालको खाता मार्च ८ देखि जुन १० बीचमा २७८ पटक कारोबार भएको छ, जसा ३.२२ लाख भारू उनको खाताबाट झिकिएको छ ।
अर्को महत्वपूर्ण कुरा के भने पैसा निकालेको बेला उनको मोबाइलमा ओटीपी कोडसमेत आएको थिएन । यो देखेर, प्रहरीले अनलाइन चिटिङ भएको आशंकामा अनुसन्धान अगाडि बढाएकाे थियाे ।
यसपछि लाखौं रूपैयाँ फ्रि फायर अनलाइन गेम खेल्न र गेमको लेभल अपग्रेड गर्न उनकै छाेराले झिकेकाे थाहा भयाे ।-टेकपाना
प्रतिक्रिया लेख्नुहोस्:-