काठमाडौँ । बलिवुड अभिनेता अरमान कोहली फेरी विवादमा आएका छन् । शनिबार ड्रग्स प्रकरणमा नारकोटिक्स कन्ट्रोल ब्यूरोले अभिनेता कोहलीको घरमा छापा मारेपछि उनी विवादमा आएका हुन् ।
साथै ब्युरोले कोहलीलाई ड्रग्स प्रकरणमा हिरासतमा लिएर सोधपुछ गरिरहेको भारतीय मिडियाहरुले उल्लेख गरेका छन् ।
मिडिया रिपोर्टका अनुसार कोहलीको घरबाट ड्रग्स समेत बरामद भएको छ ।
ड्रग्स सप्लाई गर्नेहरुको सूचनाको आधारमा कोहलीको घरमा छापा मारिएको बताइएको छ ।
कोहली पटक पटक विवादमा आइरहन्छन् । यस अघि २०१८ मा पनि उनलाई प्रहरीले हिरासतमा लिएको थियो । उनलाई कानुन अनुसार घरमा १२ बोतलसम्म राख्ने अनुमति रहेकोमा घरमा नियम विपरित ४१ बोतल विदेशी ब्राण्डका स्कच ह्विस्की राखेको आरोपमा हिरासतमा लिइएको थियो । उनी यसअघि आफ्नी प्रेमिकालाई मारपिट गरेको आरोपमा पनि पक्राउ परेका थिए ।
फिल्म मेकर राजकुमार कोहलीका छोरा कोहली बलिवुडमा भने त्यति सफल हुन सकेका छैनन् ।
प्रतिक्रिया लेख्नुहोस्:-