क्वालालम्पुर (मलेसिया):= विश्वब्यापी माहामारीको रुपमा फैलिएको कोरोना भाइरस (कोभिड-१९) ले विश्वको अर्थतन्त्र देखि लिएर मानिसहरुको आन्तरिक जीवनमा समेत व्यापक नकारात्मक प्रभाव पारेको छ।
त्यस्तै मलेसियामा कोरोना भाइरस (कोभिड-१९) को माहामारी सुरु भएदेखि भाइरसको प्रभावले एक बर्षमा ७८ हजार जना विवाहित श्रिमान – श्रिमति , दम्पती जोडीको सम्बन्ध बिच्छेद (डिभोर्स) भएको पाइएको मलेसियन सरकारले गरेको एक अनुसन्धानले खुलेको छ।
आज बुधबार मलेसिया सरकारको संसद बैठकमा मलेसियाको प्रधानमन्त्री दातोक श्रि इस्माईल साब्री बिन याकोबले अन्य साँसदले सोधेको प्रश्नको जवाफ् दिने क्रममा उहाँले भन्नुभयो, “कोरोना माहामारीको कारणले गत बर्षको मार्चदेखि यस् बर्षको अगस्ट महिनासम्ममा जम्मा ७८ हजार विवाहित दम्पतीको सम्बन्ध बिच्छेद (डिभोर्स) भएको र त्यसो हुनुको मुख्य कारण पारिवारिक आर्थिक पाटो कमजोर हुनु , बेरोजगार हुनु र मानसिक संतुलन गुमाउनु मुख्य जिम्मेवार रहेको बताउनुभएको छ।”
प्रधानमन्त्री साब्रीले बताएअनुसार सम्बन्ध बिच्छेद गर्ने जम्मा मलेसियन नागरिकहरु ७८ हजार जनामध्य १० हजार ३४६ गैर मुश्लिम विवाहित दम्पतीहरु रहेको र बाँकी ६६ हजार ४४० जना मुश्लिम समुदायको विवाहित दम्पतीहरु श्रिमान-श्रिमतिहरु रहेको बताउनुभएको छ।
प्रतिक्रिया लेख्नुहोस्:-