टोकियो, जापान । कोरोना भाइरस संक्रमणमा उल्लेख्य सुधार देखिएको जापानमा सेप्टेम्बर १९ तारिख एकै दिन करिव १२ हजार व्यक्ति कोरोना भाइरसबाट संक्रमण मुक्त भएका छन् । यहाँको स्वास्थ्य, श्रम तथा कल्याण मन्त्रालयले सार्वजनिक गरेको तथ्यांक अनुसार पछिल्लो २४ घण्टामा देशभरबाट ११ हजार ८ सय २२ जना कोरोनाका बिरामी भाइरस संक्रमण मुक्त भएका हुन् ।
जबकी यहि अवधिमा ३४ सय १ जना नयाँ कोरोनाका बिरामी थपिएका छन् । मन्त्रालयका अनुसार २५ जना कोरोनाका बिरामीले पनि यहि अवधिमा ज्यान गुमाएका छन् । स्वास्थ्य मन्त्रालयको तथ्यांक अनुसार जापानमा हालसम्म कोरोनाका कुल संक्रमितको संख्या १६ लाख ७७ हजार ८ सय १० पुगेको छ । कुल संक्रमित मध्ये १७ हजार १ सय ९८ जनाले ज्यान गुमाएका छन् ।
कोरोना भाइरसबाट संक्रमित भएका मध्ये १५ लाख ७६ हजार ५ सय ७८ जना निको भइसकेका छन् । जसमा १२ हजार पछिल्लो १२ घण्टामा निको भएका छन् । देशभर अझै १४ सय ९६ जना कोरोना भाइरसबाट बिरामी भएकाको अवस्था चिन्ताजनक रहेको सरकारी तथ्यांकमा उल्लेख छ ।
प्रतिक्रिया लेख्नुहोस्:-