काठमाडौं– बलिउड अभिनेता सलमान खान अभितिन फिल्म ‘अन्तिमः द फाइनल ट्रुथ’ सिनेमा हलमै प्रदर्शन हुने भएको छ। फिल्मको निर्माण पक्षले फिल्मलाई डिजिटलमाध्यममार्फत् नभएर सिनेमा हलमा नै प्रदर्शन गर्न लागेको हो।
निर्देशक महेज मान्जरेकरका अनुसार फिल्मलाई भारतभरका सिनेमा हलमार्फत् प्रदर्शन गरिनेछ। उनले आगामी अक्टोबरदेखि भारतको महाराष्ट्र राज्यका सिनेमाहल पनि खुल्ने भएकाले फिल्म सोही समयमा भारतभर प्रदर्शनमा आउने बताए। फिल्मलाई दीपावलीको छेको पारेर प्रदर्शन गरिने उनले बताएका छन्।
यसअघि फिल्मलाई दशैंको अवसरमा प्रदर्शन गर्ने घोषणा भएको थियो। तर, भारतका सबै राज्यमा सिनेमा हल नखुलेकाले फिल्मको प्रदर्शन हुने समय पछि सरेको हो।
फिल्ममा सलमानसँगै आयुष शर्माले मुख्य भूमिकामा स्क्रिन सेयर गरेका छन्। मराठी फिल्म ‘मुलशी पैटर्न’को हिन्दी रिमेकको रुपमा निर्माण भएको फिल्म हिन्दीसँगै तामिल, तेलगु, कन्नड र उडिया भाषामा भारतभर रिलिज हुनेछ।
प्रतिक्रिया लेख्नुहोस्:-