काठमाडौं। सर्पले डसेर मानिसको मृत्यु भएको घटना हामीले धेरै सुनेका छौं । तर, दक्षिणी चीनमा यस्तो घटना भयो जसबारे सुन्दा तपाई अचम्ममा पर्नुहुन्छ । यहाँ एक रेस्टुरेन्टमा सेफले कोब सर्पको टाउको काटेर छुट्टै राखे । त्यसपछि ती सेफ सर्पको बाँकी शरीरको सुप बनाउने तयारीमा लागे । २० मिनेटपछि काटिएको टाउकोलाई फ्याँक्नको लागि उठाउन खोज्दा उनलाई त्यो काटिएको टाउकोले टोक्यो । जसका कारण ती सेफको मृत्यु भएको छ ।
डेलीस्टारका अनुसार दक्षिणी चीनको ग्वानडोंग प्रान्तको फोशान सहरका सेफ पेंग फेनले इण्डो चाइनिज स्पिटिङ कोब्रा सर्पको मासुबाट सुप बनाउने तयारी गर्दै थिए । यही क्रममा उनलाई बाटिएको टाउकोले टोकेको हो । चीनमा विषालु कोब्रा सर्पको मासुबाट बनेको सुप निकै मन पराइन्छ । धेरैजसो रेस्टुरेन्टमा यो सुप पाइन्छ । यी सेफलाई पनि सर्पको टाउको काटेपछि सुप बनाउन २० मिनेट समय लागेको थियो ।
रेस्टुरेन्टमा आएका ग्राहक ४४ वर्षीय लिन सनले भने ‘हामी मेरी पत्नीको जन्मदिनको अवसरमा रेस्टुरेन्टमा खाना खाइरहेका थियौं । त्यहीबेला अचानक हल्लाखल्ला भयो । के भएको हो भन्ने हामीलाई थाहा थिएन तर भान्छाबाट चिच्याएको आवाज सुनिएको थियो ।’ उनका अनुसार केही बेरपछि उनीहरुले सेफलाई सर्पले टोकेको थाहा पाए । तत्कालै डाक्६रलाई फोन गरिएको थियो तर डाक्टर आउँदासम्म सेफको मृत्यु भइसकेको थियो ।
पुलिस प्रवक्ताले यो घटनाबारे भने ‘यो निकै असामान्य घटना हो । यो केवल एक दुर्घटना जस्तो देखिन्छ । सेफलाई बचाउनको लागि केही गर्न सकिँदैनथ्यो । केवल डाक्टरले मात्रै उनलाई सहयोग गर्न सक्थे ।’ विशेषज्ञका अनुसार सर्प र अन्य सरीसृप मारेपछि पनि एक घण्टासम्म प्रतिक्रियाशील हुन्छन् । कोब्राले थुकेको विष अत्यन्तै घातक हुन्छ । यसमा न्युरोटक्सिन हुन्छ जसले ३० मिनेटभित्र मार्न सक्छ ।
प्रतिक्रिया लेख्नुहोस्:-