जापानमा दैनिकी सामान्य बन्दै

जापानमा देशको आधा क्षेत्रमा लगाइएको आपतकाल र अर्धआपतकाल हटेपछिको गएको सप्ताहन्त पहिलो थियो । शुक्रबारदेखि रेष्टुराँ र बारहरुले रक्सीको बेचबिखन पनुः शुरु गरेका छन् । यसअघि आत्म संयम गर्दा गर्दै दिक्क भएकाहरु घरबाहिर निस्कन थालेका छन् । रेष्टुराँ र बारहरुमा जमघट देखिएका छन् ।

आफू तनावबाट छुट्टि चाहिएकोले गएको राति ८ बजेसम्म पिउन निस्कएको र आफूलाई साँच्चै नै खुसी लागेको एक पुरुषले बताए । बाहिर गएर पनि रमाउन सक्दिन भन्ने लागेपछि आफूलाई बाहिर जाउँ जस्तो नै नलागेको अर्का एक पुरुषको भनाइ छ । मध्य टोकियोको लोकप्रिय शपिङ डिष्ट्रिक्टमा करीब ६ महिनामा पहिलो पटक एउटा सडक पैदलयात्रीका लागि खोलिएको छ ।

धेरै लामो समय बितेकोले आफूलाई घरबाहिर गएर पिउन रमाइलो महसुस भएको सो स्ट्रिटमा आएका एक आगन्तुकले बताएका छन् । तर स्वतन्त्रताको यो अनुभति धेरै लामो समय नरहन पनि सक्छ । प्रिफेक्चरल गभर्नरहरुको एक संगठनले संक्रमण बल्झिन सक्ने भन्दै स्वास्थ्य उपचार प्रणाली बलियो बनाउन केन्द्र अनुरोध गरिरहेका छन् । केरोना भाइरसको संक्रमण फैलिन नदिन आफूहरुले समयमै उपर्युक्त कदम चाल्ने टोकियोकी गभर्नर कोइके युरिकोले बताइन् ।

यो मानिसहरुलाई सामान्य जीवनयापनतर्फ फर्काउने र अर्थतन्त्रलाई पुनः चलायमान बनाउनेतर्फ जग बसाल्ने समय भएको पनि उनले बताइन् । कोरोना भाइरसको संक्रमणको छैठौं लहर आउनेमा ओसाकाका गभर्नर योशिमुरा ढुक्क छन् ।

बिरामीहरुको तत्कालै उपचार गर्न सकियोस् भनरे स्वास्थ्य उपचार प्रणालीमा चेन अफ कमान्ड स्ट्रिमलाइनिङ गर्ने लगायत विविध तयारी गर्नु जरुरी भएको उनी बताउँछन् । संक्रमण बल्झिएको अवस्थामा देशको स्वास्थ्य प्रणालीलाई सुदृढ बनाउन मद्दत गर्न केन्द्र सरकारसँग गभर्नरहरुले माग राखेका छन् ।