बलिउड अभिनेता शाहरुख खानका छोरा आर्यन खान भर्खरै २८ दिन जेल बसेर रिहा भए । लागुऔषध प्रयोग गरेको अभियोगमा जेल परेका उनी अक्टोबर ३० मा जेलबाट निस्किए । बलिउडसँग जोडिएका उनी मात्रै होइन यसअघि पनि थुप्रै लागुऔषधका कारण प्रहरीसम्म पुगिसकेका छन् । रिया चक्रवर्ती पनि केही समय अगाडि मात्रै जेल परेकी थिइन् । दीपिका पादुकोण, सारा अली खान, सञ्जय दत्त लगायतका कलाकार पनि यो प्रकरणमा मुछिएका छन् । यी कलाकारहरुको यो प्रकरणको बारेमा धेरै जसो खुलासा ह्वाट्सएपबाट भएको थियो ।
ह्वाट्सएपको कुराकानी बाहिरिएर लागुऔषधको विषय बाहिर आएपछि बलिउडमा च्याट डिलिट गर्ने होड नै सुरु भएको छ । यसका लागि फरेन्सिक विशेषज्ञहरूले काम गरिरहेका छन् । ह्वाट्सएप प्रयोगकर्ताहरूले डिलिट भएका च्याटहरु फेरि निकाल्न मिल्ने थाहा पाएपछि यसलाई सधैंका लागि डिलिट गर्ने माध्यमहरु खोजिरहेका छन् ।
यसका लागि थुप्रै निजी ल्याबमा काम भइरहेको छ । मुम्बईको फाइनेन्शियल हबमा भएको चेकजाँचपछि उनीहरु च्याट डिलिट गर्ने काम गरिरहेको स्वीकार गरेको भारतीय सञ्चार माध्यमले उल्लेख गरेका छन् । एक निजी ल्याबका विशेषज्ञले फेरि रिकभर नहुने गरी च्याट डिलिट गर्न २ लाख लिएको बताए ।
प्रतिक्रिया लेख्नुहोस्:-