काठमाडौं। इरानले शुक्रबार आफ्नो पाँच दिवसीय सैन्य अभ्यासको अन्तिम दिन इजरायललाई चेतावनी दिनको लागि कैयौं पटक ब्यालेस्टिक मिसाइल हानेको छ । समाचार एजेन्सी एएफपीका अनुसार सरकारी टिभी च्यानलसँग इरानका सैन्य बलका प्रमुख मेजर जनरल मोहम्मद बाघेरीले भने ‘पछिल्ला दिनहरुमा यहुदी शासनले जो खतरा उत्पन्न गरेको छ यो अध्यास त्यसको जवाफ दिनको लागि थियो ।’
बाघेरीले अगाडि भने ‘चुनिएको लक्ष्यसम्म १६ वटा मिसाइल हानिएका छन् । यो अभ्यासमा इरानका ती मिसाइलहरु समावेश थिए जो त्यो देशलाई विनाश गर्न सक्छन् जो इरानमाथि आक्रमण गर्ने दुस्साहस गर्नेछ ।’ पयंकर–ए–अजदम अर्थात महान पैगम्बरको नामबाट यो सैन्य अभ्यास सोमबारदेखि बुशहर, होर्मजगान र खुजेस्तान प्रान्तमा सुरु भएको थियो । यी सबै प्रान्त खाडीसँग जोडिएका छन् ।
इस्लामिक रिभोल्युशनरी गार्ड कर्प्सका प्रमुख मेजर जनरल हुसैन सलामीले भने ‘यो सैन्य अभ्यास यहुदी शासनको आधिकारीहरुका लागि एक गम्भीर चेतावनी हो ।’ यो अभ्यास अमेरिकी राष्ट्रिय सुरक्षा सल्लाहकार ज्याक सुलिभानको इजरायली प्रधानमन्त्री नफ्ताली बेनेटसँग बुधबार भएको भेटवार्ताको क्रममा भएको हो । इजरायल २०१५ को इरान परमाणु सम्झौतालाई फेरि लागू गर्ने कुराको विरुद्ध छ ।
बेनेटले इरानमाथि न्यूक्लियर ब्ल्याकमेल गरेको आरोप लगाएका छन् । उनले प्रतिबन्ध खुकुलो पारिए त्यसबाट आउने पैसाबाट इरानले हतियार खरिद गर्ने आरोप लगाएका छन् । इजरायली नेताहरुले इरानमाथि आक्रमण गर्ने संकेत दिएका छन् । इरानले आफूले केवल नागरिक परमाणु कार्यक्रम विकसित गर्न चाहेको बताएको छ तर पश्चिमी शक्तिहरुले भने उसले आफ्नो युरेनियम संवर्धनको प्रयोग हतियार बनाउनका लागि गर्न सक्ने आशंका गरेका छन् ।
प्रतिक्रिया लेख्नुहोस्:-