काठमाडौं- फिल्म ‘स्पाइडर म्यान स् नो वे होम’ले बक्स अफिसमा १ बिलियन डलरभन्दा बढी कमाई गरेको छ । यो फिल्म कमाईको मामिलामा सन् २०२१ को सबैभन्दा ठूलो फिल्म बनेको छ ।
यसले चीनको कोरियाली युद्धमा बनेको फिल्म ‘द ब्याटल अफ लेक चांगजिन’ लाई पछि पारेको छ जसले संसारभरी ९०५ मिलियन डलरभन्दा बढी कमाएको थियो ।
मिडिया डेटा एनालिटिक्स फर्म कमस्कोरका अनुसार यसअघि १ बिलियन डलरभन्दा बढी कमाउने फिल्म सन् २०१९ मा रिलिज भएको ‘स्टार वार्स ः द राइज अफ स्काइवाकर’ थियो ।
यो फ्रेन्चाइजीको सन् २०१९ को फिल्म ‘स्पाइडर म्यान स् फार फ्रम होम’ बक्स अफिसमा एक बिलियन डलर कमाईको आँकडा तोड्ने पहिलो स्पाइटर–म्यान फिल्म थियो र वर्तमानमा कमस्कोरका अनुसार विश्वव्यापी टिकट बिक्रीमा १.१३२ बिलियन डलरसहित फ्रेन्चाइजीमा सबैभन्दा बढी कमाउने फिल्म हो ।
प्रतिक्रिया लेख्नुहोस्:-