काठमाडौं। दुबइ अन्तर्राष्ट्रिय विमानस्थलमा ९ जनवरीका दिन निकै डरलाग्दो घटना भएको छ । यहाँबाट भारत आउने दुई यात्रुवाहक जहाज रनवेमै ठोक्किने अवस्था आएको थियो । अब यो घटनाबारे जाँच सुरु भएको छ । जानकारीका अनुसार नागरिक उड्डयन महानिर्देशनालयले युएइको नागरिक उड्डयन प्राधिकरणसँग आफ्नो रिपोर्ट साझा गर्न भनेको छ ।
दुबइबाट हैदराबाद आउने फ्लाइट इके–५२४ रनवेमा टेकअफको लागि दौडिइरहेको थियो । त्यही बेला पाइलटले अर्को जहाजलाई विपरित दिशाबाट आफूतर्फ आइरहेको देखे । यस्तोमा एटिसीले तत्काल टेकअफ अबोर्ट गर्न निर्देशन दियो । त्यसपछि जहाजले आफ्नो गति कम गर्यो र भीषण दुर्घटना हुनै लाग्दा अन्तिम समयमा जोगियो ।
घटनाबारे कुरा गर्दै एक व्यक्तिले समाचार एजेन्सी एएनआइसँग बताएअनुसार दुबइबाट हैदराबाद आउने फ्लाइट इके ५२४ रनवे ३० आरमा टेकअफका लागि दौडिइरहेको थियो । त्यही बेला पाइलटले अर्को विमानलाई विपरित दिशाबाट आफूतर्फ आइरहेको देखे । त्यसपछि एटिसीले टेकअफ अबोर्ट गर्ने निर्देशन दिए । त्यसपछि विमानको गति कम भयो र सुरक्षित रुपले ट्याक्सी बे एन ४ को माध्यमबाट रववे क्लियर गरियो ।
खासमा त्यही बेला दुबइबाट बैंगलोर आउनको लागि अर्को विमान एके ५६८ ले पनि टेकअफ गर्न लागेको थियो । यो विमान पनि त्यही रनवे ३० आरबाट टेकअफ गर्नुपर्ने थियो । हैदराबाद आउन लागेको विमानलाई ट्याक्सी वेमा लगेर रनवे क्लियर गरेपछि बैंगलोर आउने विमानले टेकअफ गरेको थियो । इमिरेट्स एयरलाइन्सका एक व्यक्तिले यसको पुष्टि गर्दै घटनाबारे आन्तरिक जाँच सुरु भएको बताएका छन् ।
प्रतिक्रिया लेख्नुहोस्:-