यमनी जेलमा भएको हवाई आक्रमणमा सय जनाभन्दा धेरैले ज्यान गुमाएका छन् । आक्रमणमा दुई सय जनाभन्दा धेरै घाइते भएका उद्धारकर्ताले बताएका छन् ।
उद्धारकर्मीले आक्रमणपछि ध्वस्त भएका जेलका भवनबाट क्षतविक्षत शव निकालेर थुपार्दै गरेका तस्बिर सार्वजनिक भएका छन् ।
यमनमा रहेको रेडक्रस अन्तर्राष्ट्रिय समितिका प्रवक्ता बाशीर उमरले सादा सहरका दुई अस्पतालमा उनीहरुको उपचार भइरहेको र गम्भीर घाइतेको सङ्ख्या धेरै भएकाले ज्यान गुमाउनेको सङ्ख्या बढ्न सक्ने बताउनुभएको समाचार संस्था एएफपीले जनाएको छ । यमनभर इन्टरनेट सेवा बन्द भएको छ ।
हुथी विद्रोहीले संयुक्त अरब इमिरेट्समा हवाईजहाज र क्षेप्यास्त्र आक्रमण गरेको दाबी गरेको पाँच दिनपछि यी हमला भएका छन् ।
प्रतिक्रिया लेख्नुहोस्:-