दार्चुला : गुड नेवर्स इन्टरनेशनल नेपालको आर्थिक सहयोग तथा स्थानीय साझेदार संस्था सामुदायिक ग्रामिण विकास समाज नेपाल र सामुदायिक विकास परियोजना (सिडिपि)ले जिल्ला अस्पताल दार्चुला र मालिकार्जुन गाउँपालिकाको शंकरपुर कोभिड अस्पताललाई ५ लाख भन्दा बढीको स्वास्थ्य सामग्री हस्तान्त्रण गरेको छ ।
बिहीबार आयोजित एक कार्यक्रममा जिल्ला समन्वय समिति दार्चुलाका प्रमुख करविरबहादुर कार्की र सामुदायिक विकास परियोजना (सिडिपि) कार्यक्रमका जिल्ला संयोजक नारायण प्रसाद चौधरीले अस्पताल विकास समितिका अध्यक्ष दलजितसिंह धामीलाई सामग्री हस्तान्तरण गरेका हुन्।
त्यसैगरी मालिकार्जुनका लागी गुड नेवर्स इन्टरनेसनल नेपालले खरिद गरि पठाएका अक्सिजन मास्क २० थान, अक्सिजन फ्लो मिटर ५ थान, भेन्चुरी फेस मास्क ३० थान, एन्टिजेन किट ४ सय थान, रेजरभायोर ब्याग मास्क ३० थान, पिपिइ सेट ६० थान, स्वाब संकलन किट ४ सय थान, पल्स अक्सीमिटर ५ थान गरी ३ लाख १४ हजार ३ सय ६२ रुपैयाको स्वास्थ्य सामग्री शंकरपुर कोभिड अस्पताललाई वितरण गरेको टिम लिडिर अशोक ओझाले बताए ।
यसैगरी जिल्ला अस्पताललाई अक्सिजन मास्क ३० थान, अक्सिजन फ्लो मिटर २० थान, भेन्चुरी फेस मास्क २० थान, एन्टिजेन किट ३ सय थान, रेजरभायोर ब्याग मास्क २० थान, पिपिइ सेट ४० थान, स्वाब संकलन किट ३ सय थान, पल्स अक्सीमिटर १० थान गरी २ लाख ७७ हजार ९ सय ८२ रुपैयाँको स्वास्थ्य सामग्री वितरण गरिएको ओझाले जानकारी दिए।-अन्नपूर्ण
प्रतिक्रिया लेख्नुहोस्:-