म्याडम सी.जे वाँकर मिलेनियर बन्ने पहिलो अफ्रिकी–अमेरिकी महिला थिइन् । उनका बाबुआमा मजदुरी गरेर पेट पाल्थे । उनी बाल्यकालमा नै टुहुरी भइन् र उनकी विवाहित दिदीले उनको पालन पोषण गरिन् १४ वर्षको उमेरमा उनको विवाह गरियो । त्यसपछि उनी घरमै बस्न थालिन् ।
२० वर्षको उमेरमा उनी विधुवा भइन् । त्यसपछि अरुको कपडा धोएर गुजारा गर्न थालिन् । तर याद राख्नुस्, पछि करोडपति बन्ने सफल वाँकर कुनै समय अरुको कपडा धोएर आफ्नो गुजारा चलाउने गर्थिन् ।
३८ वर्षको उमेरमा उनको जीवनले एक नाटकीय मोड लियो । उनले काला जातीका महिलाको कपाल बढाउने तथा सुन्दर बनाउने एउटा सूत्र पत्ता लगाइन् । उनले भाँडोमा साबुन तथा सौन्दर्य मलम मिलाएर यसलाई तयार गरेकी थिइन् ।
धेरै प्रयोग गरिसकेपछि उनले आफ्नो वाकर विधि लाई परिपूर्ण बनाइन् । यसमा एउटा स्याम्पु, कपाल बढाउने प्रशाधन र तातो फलामको काइयो प्रयोग गरिन्थ्यो । यस प्रयोगबाट कडा भन्दा कडा कपाल पनि नरम र चम्किलो हुन्थ्यो । यसका अतिरिक्त उनले काला जातिका महिलाको लागि अनुहारमा लगाउने क्रिमको सूत्र तयार गरिन् । उनलाई विश्वास थियो कि यस सूत्रमा व्यावसायिक सफलताको ठूलो सम्भावना छ ।
शुरु शुरुमा उनी घरघर गएर सामान बेच्थिन् । फेरि उनले दक्षिणी तथा पूर्वी इलाकामा कार्यक्रमको आयोजना गरिन् । सबैको सामु यी सामानहरुको चमत्कार देखाइन् । उनले हुलाकबाट पनि सामान बेचिन् । उनको व्यवसाय यति धेरै सफल भयो कि उनले म्याडम सी.जे वाँकर प्रयोगशालाको स्थापना गरिन् ।
उनको यो प्रयोगशालामा सौन्दर्य प्रसाधनहरु बन्नुको साथै एजेन्ट तथा सौन्दर्य विशेषज्ञहरुलाई तालिम पनि दिइन्थ्यो । म्याडम सी.जे वाँकरले एउटा विचारको आधारमा काम गरेर आफ्नो भाग्यको साथसाथै लाखौँ महिलाको अनुहार पनि बदलिदिइन् । साभारः ‘सफलता’ पुस्तकबाट
प्रतिक्रिया लेख्नुहोस्:-