काठमाडौं, साउन ४ गते । चोरीको दुई वटा मोटर साईकलसहित भक्तपुरबाट एक जनालाई प्रहरीले प्रक्राउ गरेको छ ।
महानगरीय ट्राफिक प्रहरी महाशाखाबाट सादा पोसाकमा खटिएको ट्राफिक प्रहरीले भक्तपुर, कौशलटारबाट बा ९५ प २३३ नम्वरको केटिएम डुक २०० सिसीको मोटरसाइकलसहित १९ वर्षिय विज्ञान भुजेललाई पक्राउ परेको हो ।
स्थायी ठेगाना कमलामाई नगरपालिका-७ दोलखा घर रहेका भुजेललाई विना साँचो डाइरेक्ट स्टार्ट गरि मोटर साईकल चलाई रहेको अवस्थामा पक्राउ गरेको ट्राफिक महाशाखा रामशाह पथका प्रमुख प्रहरी वरिष्ठ उपरीक्षक (एसएसपि) जनक भट्टराईले बताउनुभयो ।
मोटरसाइकल भक्तपुर सानोठिमीबाट हराएको भन्ने बैदेश्वर गाउँपालिका-३, दोलखा घर भएका कृष्ण कार्कीले आइतबार महाशाखामा जानकारी गराएउनु भएको थियो । सूचनाअनुसार ट्राफिक महाशाखाको सादा पोसाकमा खटेको ट्राफिक प्रहरीको टोलीले आईतबार दिउँसो नै उक्त मोटरसाईकलसहित भुजेललाई नियन्त्रणमा लिएको प्रमुख भट्टराईले बताउनुभयो ।
नियन्त्रणमा लिएर थप सोधपुछ गर्दा बा ८३ प ३३४५ नम्बरको २०० सिसि एनएस रातो पल्सर मोटरसाईकलसमेत कौशलटारबाट बरामद भएको उहाँको भनाइ छ । भुजेललाई मोटरसाइकलसहित चोरी मुद्दामा अनुसन्धान र कारबाहीका लागि महानगरीय प्रहरी बृत्त, ठिमीलाई बुझाएको महाशाखाले जनाएको छ ।-गोरखापत्र
प्रतिक्रिया लेख्नुहोस्:-