काठमाडौं । काठमाडौंको सिनामंगलबाट ११ जना अफगान नागरिकलाई प्रहरीले पक्राउ गरेको छ ।
नेपाल प्रहरीको केन्द्रीय अनुसन्धान व्यूरो सिआईबीले आज बिहान सिनामंगलको एक घरबाट उनीहरुलाई पक्राउ गरेको हो । उनीहरू अवैध रूपमा नेपाल आएको भप्रहरीको भनाइ छ ।
प्रहरीका अनुसा पक्राउ पर्नेमा ३ जना महिला र ८ जना पुरूष छन् । उनीहरू काठमाडौंमा कहिलेदेखि छन् भन्ने पुष्टि भइनसकेको छैन ।
क्राउ परेकामध्ये ६ जनासँग भारतको आधारकार्डसमेत बरामद भएको सिआईबीले जनाएको छ । बरामद भएको भारतको आधारकार्ड नक्कली भएको प्रहरीको भनाइ छ । अहिले ब्युरोले उनीहरूमाथि सोधपुछ गरिरहेको छ।
अफगानिस्तानमा तालिबान सत्तामा आएसँगै धेरै नागरिकले त्रासमा देश छाडेका थिए । उनीहरू पनि तालिबानले काबुल कब्जा गरेपछि भागेर नेपाल आएको आशंका गरिएको छ ।
प्रतिक्रिया लेख्नुहोस्:-