भारतमा एकैदिन १ सय बढीको कोरोनाबाट मृत्यु, सक्रिय संक्रमित कति ?

काठमाडौं । भारतमा पछिल्लो समय कोरोनाभाइरसको संक्रमण र मृत्यु दर बढ्न थालेको छ । पछिल्लो २४ घण्टामा ६ हजार ६ सय ८१ जनामा कोरोना संक्रमण देखिएको छ ।

हालसम्म कोरोना संक्रमितको कुल संख्या ३ करोड ४७ लाख ७२ हजार ६ सय ५७ पुगेको छ । पछिल्लो २४ घण्टामा १ सय ४ जनाले कोरोनाबाट ज्यान गुमाएका छन् । यस्तै हालसम्म भारतमा कोरोना संक्रमणबाट ज्यान गुमाउनेको संख्या ४ लाख ७८ हजार ८ सय ६३ जना पुगेको छ ।

यस्तै पछिल्लो २४ घण्टामा ६ हजार ९ सय ६० जना निको भएका छन् । भारतमा हालसम्म कोरोनासंक्रमणबाट मुक्त हुनेको संख्या ३ करोड ४२ लाख ८ हजार ९ सय २६ पुगेको छ । सक्रिय संक्रमितको संख्या ८४ हजार ८ सय ६८ रहेको छ ।