काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण विस्तारै बढ्दै गइरहेको देखिएको छ । दक्षिण अफ्रिकामा देखिएको ओमिक्रोन भाइरस अहिले संसारका विभिन्न देशहरुमा फैलिएको छ । वर्ल्डोमिटर्सको तथ्यांक हेर्दा अहिले धेरैजसो देशमा कोरोना संक्रमितको संख्या बढेको देखिन्छ ।
वर्ल्डोमिटर्सको तथ्यांक अनुसार पछिल्लो २४ घण्टामा विश्वभर ९ लाख ७१ हजार ९ सय ७ कोरोना संक्रमित थपिएका छन् । यसअघि बुधबार विश्वभर एकैदिन ७ लाख ४३ हजार ५ सय ८७ संक्रमित थपिएका थिए । यससँगै विश्वभर कोरोना संक्रमितको संख्या २७ करोड ८४ लाख ९५ हजार ५८ पुगेको छ ।
यस्तै पछिल्लो २४ घण्टामा विश्वभर ६ हजार ५ सय ६० कोरोना संक्रमितले ज्यान गुमाएका छन् । हालसम्म विश्वभर कोरोनाबाट मृत्यु हुनेको संख्या ५४ लाख २ सय ८७ पुगेको छ।
त्यस्तै पछिल्लो २४ घण्टामा ५ लाख ४३ हजार ३१ कोरोना संक्रमित निको भएका छन् । यससँगै हालसम्म विश्वभर २४ करोड ९१ लाख ४४ हजार ३ सय १४ कोरोना संक्रमित निको भइसकेका छन् ।
त्यस्तै अमेरिकामा मात्र कोरोनाको संक्रमणबाट ८ लाख ३४ हजार ४ सय ५५ जनाको मृत्यु भएको छ भने संक्रमितको संख्या ५ करोड २७ लाख ८८ हजार ४ सय ५१ पुगेको छ । यस्तै अमेरिकामा ४ करोड ९ लाख ६४ हजार ९ सय ९३ कोरोना संक्रमित निको भइसकेका छन् ।
प्रतिक्रिया लेख्नुहोस्:-