दुरुस्तै मान्छेको जस्तै दाँत भएको माछा फेला, देख्ने सबै चकित परे

काठमाडौं । विश्वमा हामिलाई थाहा नभएका धेरै प्रजातीका माछाहरु छन् । हामिलाई केही प्रजातीका बारेमा मात्र थाहा हुन सक्छ । माछाहरु अनौठो र खतरनाक पनि हुन्छन् ।

आज तपाईलाई यस्तो माछाको बारेमा जानकारी दिदैछु, जसको मान्छेको जस्तो दाँत छ । मान्छेको जस्तो दाँत भएको अनौठो माछाको तस्बिर अहिले सामाजिक सञ्जालमा भाइरल बनेको छ ।

उक्त माछा संयुक्त राज्य अमेरिकाको उत्तर क्यालिफोर्नियाको साउथ मिल्स क्षेत्रमा फेला परेको हो । उक्त माछा त्यस क्षेत्रका नेथन मार्टिन नामका व्यक्तिले फेला पारेका हुन् ।

उनले अगष्ट २ मा समुँद्रमा माछा मार्ने क्रममा मान्छेको जस्तो दाँत भएको माछा फेला पारेका हुन् । उनले आफुले फेला पारेको माछाको तस्बिर सामाजिक सञ्जालमा राखेपछि भाइरल बनेको छ ।

नोर्थ क्यारलाइनाको न्याग हेडमा माछा मार्न जाने मानिसहरूमाझ प्रख्यात जेनेट्स पीएरले आफ्नो फेसबुक पेजमा गत साता उक्त माछाको तस्बिर प्रकाशित गरेको थियो।

उक्त माछा शीप्सहेड जातको भएको बताइएको छ। आफ्नो सिकार चबाउन उक्त जातका माछाको मुखमा बङ्गारा हुने गर्छन् । उक्त माछाको मुख र भेडाको मुख झट्ट हेर्दा उस्तै देखिन्छ । उक्त माछालाई ूशीप्सहेडू नामकरण गरिएको हो।