काठमाडौँ– कास्की प्रहरीले ब्राउनसुगरसहित पक्राउ परेका र्यापर लाहुरेसहित ४ जनालाई शुक्रबार सार्वजनिक गरेको छ । उनीहरुलाई गत बुधबार बेलुका पोखरा महानगरपालिका वडा नं ८ जाल्पारोडबाट लागू औषध ब्राउनसुगरको खरिद बिक्री गरिरहेको अवस्थामा प्रहरीले पक्राउ गरेको थियो ।
प्रहरीले सुराकीका आधारमा उनीहरुलाई पक्राउ गरेको हो । उनीहरूको साथबाट लागूऔषध ब्राउनसुगर ०.५१ ग्राम फेला परेको प्रहरीले जनाएको छ । प्रहरीले थप अनुसन्धान पश्चात् पोखरा महानगरपालिका वडा नं ८ सभागृहमा रहेको सुस्मिता गुरुङको कोठा भित्र लुकाई छिपाइ सञ्चय गरी राखेको अवस्थामा लागू औषध ब्राउनसुगर १२.५० ग्राम फेला पारेको थियो ।
प्रहरीले पक्राउ पर्नेहरु लागू औषध कारोबारी रहेको दाबी गरेको छ । प्रहरीले उनीहरुको साथबाट डिजटल तराजु १ थान, नगद ३८,३५०, मोवाईल सेट ५ थान, र ग २१ प ३३२३ नम्बरको स्कुटर बरामद गरेको छ ।
जिल्ला अदालत कास्कीले उनीहरु चारैजनालाई ८ दिन थुनामा राखेर अनुसन्धान गर्न प्रहरीलाई अनुमति दिएको छ ।
पक्राउ पर्नेहरुः
१ जिल्ला कास्की पोखरा महानगरपालिका वडा नं ९ नयाँबजार बस्ने वर्ष ३२ को लाहुरे भन्ने आशिष राना ।
२ जिल्ला कास्की पोखरा महानगरपालिका वडा नं २१ घर भई हाल वडा नं १७ छोरेपाटन बस्ने वर्ष ३९ को ध्रुब बहादुर थापा।
३ जिल्ला कास्की रुपा गाउँपालिका वडा नं ७ घर भई हाल जिल्ला कास्की पोखरा महानगरपालिका वडा नं १ बगर बस्ने वर्ष ३० को बिक्की भन्ने नबिन कुमार गुरुङ ।
४ जिल्ला स्याङ्जा भिरकोट नगरपालिका वडा नं ६ घर भई हाल जिल्ला कास्की पोखरा महानगरपालिका वडा नं ८ सभागृह बस्ने वर्ष २२ की सुस्मिता गुरुङ ।
प्रतिक्रिया लेख्नुहोस्:-