थप ३ हजार १ सयबढीमा कोरोना पुष्टि, २१ सय निको

काठमाडौं । शनिबार नेपालमा ३ हजार ११४ जनामा कोरोना भाइरस संक्रमण पुष्टि भएको छ । देशभर १० हजार ६६५ पीसीआर र ४ हजार २८५ एन्टीजेन परीक्षणमा क्रमशः २ हजार ३०९ र ८०५ जनामा कोरोना भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ७ लाख ३३ हजार २६० पुगेको छ । जसमध्ये ६ लाख ४१ हजार ५६५ जना निको भएका छन् । पछिल्लो २४ घण्टामा २ हजार १९७ जना निको भएका छन् । हालसम्म नेपालमा सक्रिय संक्रमितको संख्या २७ हजार ७५७ रहेको छ ।

पछिल्लो २४ घण्टामा नेपालमा कोरोना भाइरसका कारण मृत्यु हुनेमा १६ जना थपिएका छन् । हालसम्म कोरोनाको कारण ९ हजार ६९५ जनाको मृत्यु भएको छ ।