काठमाडौँ। सरकारले पछिल्लो २४ घण्टामा मुलुकभर थप २ सय ६४ जनामा कोरोनाभाइरस संक्रमण पुष्टि भएको जानकारी दिएको छ ।
मंगलबार स्वास्थ्य तथा जनसंख्या मन्त्रालयकाअनुसार १३ हजार ७ सय ९ वटा परीक्षण गर्दा २ सय ६४ जनामा कोरोना संक्रमण देखिएको हो । यससँगै कूल संक्रमितको संख्या ८ लाख २४ हजार ७ सय ६४ (पीसीआर टेस्टबाट) र (एण्टीजेनबाट) ९५ हजार ८ सय ४५ पुगेको छ।
साथै पछिल्लो २४ घण्टामा ३ सय ६२ जना कोरोनाभाइरस संक्रमणमुक्त भएसँगै निको हुनेको कूल संख्या ८ लाख ७ हजार ५ सय १६ पुगेको मन्त्रालयले जानकारी दिएको छ । यस्तै हालसम्म सक्रिय संक्रमित ५ हजार ६ सय ८९ जना रहेका छन्।
यसैगरी पछिल्लो २४ घण्टामा मृत्यु भएका र त्यसअघि भएका गरी थप २ जनाले ज्यान गुमाएका छन्। हालसम्म कोरोनाभाइरस संक्रमणबाट ज्यान गुमाउनेको संख्या ११ हजार ५ सय ५९ जना रहेको स्वास्थ्य मन्त्रालयले जनाएको छ।
प्रतिक्रिया लेख्नुहोस्:-