हेर्नुहोस् क्रसफायर बाइकको नयाँ मूल्य

नेपाली बजारमा केही दिनअघि क्रसफायर बाइकको मूल्य बढेको छ। नेपालको लागि क्रसफायरको आधिकारिक वितरक क्लासिक ह्विल्स एक्सपोर्ट एन्ड इम्पोर्ट प्रालीले आइतबारदेखि लागु हुने गरी नयाँ मूल्य सूची सार्वजनिक गरेको हो। कम्पनीले क्रसफायरको चार वटा मोडलको मूल्य वृद्धि गरेको छ।

मूल्य वृद्धि हुनेमध्ये क्रसफायर आरएम२५०, एचजे २५०, ट्र्याकर २५० र इटालिकामोटो फर्मुला १५० हुन्। यी बाइकहरूमा १० हजारदेखि २७ हजारसम्मले मूल्य बढेको छ। बाइकको नयाँ मूल्य सूची यस प्रकारको छः

मोडलको नाम                               पुरानो मूल्य               नयाँ मूल्य
क्रसफायस आरएम                      २५ ७,२५,०००             ७,४८,०००
क्रसफायर एचजे                         २५० ६,५५,०००            ६,७०,०००
क्रसफायर ट्र्याकर                      २५० ३,४८,०००            ३,७५,०००
इटालिकामोटो फर्मुला  १५०          ३,१०,०००                    ३,२०,०००

क्रसफायरका विभिन्न मोडलका बाइक युवा पुस्तामाझ चर्चित बाइक हो। यसको आकर्षक डिजाइन, स्पोर्टी लुक्स, पावर र पर्फर्मेन्सका कारण यो बाइक धेरैको रोजाइमा पर्ने कम्पनी बताउँछ।

आइतबारदेखि मात्रै कम्पनीले क्रसफायरको नयाँ ट्र्याकर २५० को डेलिभरी सुरु गरेको छ। यो बाइक डर्ट बाइकमध्ये किफायती हुने अनुमान लगाइएको छ।